Қазақстандық теннисшілер әлемдік рейтингте өз орындарын жақсартты
Әйелдер теннис қауымдастығы (WTA) жаңартылған рейтингті жариялады, онда спортшылардың жекелей және жұптық разрядтардағы орындары өзгергені көрсетілген.
Ең үлкен өзгерістер әлемнің үздік ойыншылары қатарына кірмейтін теннисшілер арасында болды. Қазақстандық теннисшілер арасынан Жібек Құламбаева айтарлықтай прогресс көрсетіп, бірден 23 сатыға көтерілді. Қазіргі уақытта ол 314-ші орында. Зарира Дияс та екі орынға жоғарылап, 383-ші орынға жайғасты.
Елена Рыбакина мен Юлия Путинцева жекелей разрядта өз орындарын сақтап қалды - тиісінше алтыншы және 29-шы орындарда.
Жұптық рейтингке келетін болсақ, Юлия Путинцева бір сатыға көтеріліп, 110-шы орынға жайғасты, ал Жібек Құламбаева 150-ші орында қалып отыр.
Елена Рыбакина World Tennis League турнирінде титул жеңіп алды.