Александр Шевченко Римдегі «Мастерс» турнирінің негізгі кезеңіне өтті
Теннис
Аружан Темірбек
Редактор
ФОТО: KTF
Қазақстандық теннисші Александр Шевченко ATP 1000 санатындағы Рим турнирінің іріктеу кезеңінен сәтті өтіп, топ жарыстар қатарына жолдама алды.
Әлемдік рейтингтің 97-орнында тұрған Шевченко алғашқы айналымда мажарстандық Мартон Фучовичпен (ATP №134) кездесіп, матчты сенімді бастады. Алғашқы сетте Александр ерте брейк жасап, артықшылығын ұстап тұрды - 6:4. Екінші партияда қазақстандық теннисші қарсыласына еш мүмкіндік бермей, есепті 6:2-ге жеткізді.
ATP 1000. Рим. Іріктеу. Финал
Александр Шевченко (Қазақстан) – Мартон Фучович (Венгрия) – 6:4, 6:2.
Іріктеудің жартылай финалдық кезеңінде Шевченко аргентиналық Хуан Пабло Фиковичпен кортқа шықты. Екі сет бойы Александр ойынды толық бақылауда ұстап, қарсыласына өз шарттарын өткізе білді.