«40 минутта жеңілдім» — Бублик Кицбюэльге оралып, өткен үшін кек қайтармақ
Қазақстандық теннисші турнирдің ширек финалына өтті және 2020 жылғы сәтсіздікті ұмыттырғысы келеді
Теннис
Әлім Динасылов
Редактор
ФОТО: Getty Images
Әлемнің 30-ракеткасы Александр Бублик Австрияда өз ойынын сенімді жалғастырып жатыр. Тирантені жеңгеннен кейін ол төрт жыл бұрын Кицбюэльде небәрі 40 минутта жеңіліп қалғанын есіне түсіріп, бұл жолы ұзаққа қалуға уәде берді.
«Қиын естеліктер, мен сол кезде 40 минутта жеңіліп, үйге кеткен сияқтымын (жымиып). Биыл көбірек қалуға тырысамын. Қала шынымен керемет, таулар да әдемі көрінеді, осында екеніме қуаныштымын», – деді Бублик матчтан кейінгі сұхбатында, деп хабарлайды ATP.
Енді ширек финалда Бублик қазақстандық Александр Шевченкомен кездеседі. Бұл жекпе-жек жартылай финал жолдамасы үшін өтеді және Бублик үшін ескі сәтсіздіктерді артта қалдыру мүмкіндігі болмақ.
«Абай болыңдар, Лена келе жатыр!» — АҚШ-та Рыбакинаның оралуын жоғары бағалады.