«Абай болыңдар, Лена келе жатыр!» — АҚШ-та Рыбакинаның оралуын жоғары бағалады
The Tennis Letter аккаунты қазақстандық теннисшінің Вашингтондағы ойынынан кейін эмоциясын жасыра алмады
Теннис
Әлім Динасылов
Редактор
ФОТО: Getty Images
WTA 500 деңгейіндегі Вашингтон турнирінде Елена Рыбакина керемет нәтижемен бастады. Әлемнің 12-ракеткасы 1/8 финалда канадалық Виктория Мбоконы екі сетте жеңді — 6:3, 7:5. Бұл — Уимблдоннан кейінгі алғашқы жалғыздық кездесу болатын.
«Рыбакина Мбоконы жеңді — 6:3, 7:5. Елена Вашингтондағы дебют матчында жеңіске жетті.
Оның батыл шабуыл ойыны қауіпті қарсыласқа қарсы өз нәтижесін берді. Уимблдоннан кейін жақсы қалпына келген сияқты. Бұл — 2025 жылғы маусымдағы 32-жеңісі.
Ол хардта әрқашан қауіпті... абай болыңдар, Лена келе жатыр!» — деп жазды The Tennis Letter.
Келесі кезеңде Рыбакина қиын қарсыласқа тап болуы мүмкін. Бірақ бір нәрсе анық: ол Вашингтонда жеңіс үшін келген.