Әсел Қанай Каратэ Премьер-Лига турнирінің қола жүлдегері
Басқа спорт түрлері
Наурызбай Қанатұлы
Фото: olimpic.kz
Қазақстандық Әсел Қанай Ханчжоуда (Қытай) Karate Premier League кезеңінде 61 келіге дейінгі салмақ дәрежесінде қола медаль жеңіп алды.
Үшінші орын үшін өткен жекпе-жекте қазақстандық спортшы Латвия өкілі Гирвица Битті жеңді.
Париждегі Премьер-Лиганың бірінші кезеңінде Әсел күміс медаль жеңіп алған еді.
23 жастағы Қанай — жеке және командалық жарыстарда Азия чемпионы, сондай-ақ Азия ойындарының қола жүлдегері.
Айта кетейік, аталған турнирде тағы бір қазақстандық спортшы жеңіс тұғырынан көрінді. Мөлдір Жаңбырбай финалда жеңіліп, күміс жүлдені қанағат тұтты.