Садулаев Астанадағы күрес әлем чемпионатына дайындық ерекшеліктері туралы айтып берді
Күрестен екі дүркін Олимпиада чемпионы Абдулрашид Садулаев Астанада өтетін күрес түрлері бойынша әлем чемпионатында Ресей құрамасы сапында өнер көрсетуге дайындығы туралы айтып берді, деп хабарлайды Sports24.kz.
«Екі есе күшпен жұмыс істеп жатырмын. Таңертең екі белдесу, қазір де екі белдесу. Жарыс жақындаған кезде оңтайлы формаға келу үшін осылай дайындалу керек. Жарыста бәрі ойдағыдай шығуы үшін әдіс-тәсілдерді пысықтап жатырмыз. Белдесулерде барлығын барынша жетілдіруге тырысамыз.
Жаттықтырушылар маған бірінші нөмірмен жұмыс істеуім керектігін айтады. Мен іске кіріскен кезде қарсыласыма жұмыс істеу қиынға соғады, ол тез шаршайды. Сондықтан өз міндетімді орындауға тырысамын: шабуылдау. Дайындық тұрғысынан қолымыздан келгеннің бәрін жасап қойдық. Қазір ең бастысы — ұйқы, тамақтану және қысқа жаттығулар. Жарысқа тың күйде жету керек. Серуендеуден толықтай дерлік бас тарттым. Тек кешке ғана бір жерге шығуым мүмкін. Қазір түрлі вирустар тарап жүр, өзіңді күту керек. Ең бастысы — тәртіп пен дисциплина», — деді Садулаев.
Еске салайық, Садулаев жеңіске жетіп, Магомед Курбановты ұтқаннан кейін Астанада өтетін әлем чемпионатында Ресей құрамасының намысын қорғау құқығына ие болды.
Айта кетейік, 2026 жылғы күрес бойынша әлем чемпионаты Қазақстан астанасында 24 қазан мен 1 қараша аралығында өтеді.
