Әлем чемпионаты: Қазақстан құрамасы жекелей сын қорытындысы бойынша бір ғана күміс медальмен шектелді
Будапештте өтіп жатқан дзюдодан әлем чемпионатында Қазақстан ұлттық құрамасы жекелей жарыстарды бір күміс медальмен аяқтады. Ел намысын қорғаған спортшылардың ішінде жалғыз жүлде - 48 келі салмақтағы Әбиба Әбужақыноваға тиесілі. Бұл нәтиже - қазақ әйелдер дзюдосы тарихындағы алғашқы әлем чемпионаты финалы болып отыр.
Жекелей сынның соңғы күнінде татамиге ауыр салмақтағы Ерасыл Қажыбаев шықты. Өкінішке қарай, ол алғашқы белдесуінде-ақ әлем чемпионы, Оңтүстік Корея өкілі Ким Минджонханға есе жіберіп, жарысты ерте аяқтады. Осылайша, Қазақстан құрамасының жеке бағдарламадағы үміті толық үзілді.
Осыған орай, Қазақстан құрамасының жекелей есептегі қорытындысы: 1 күміс медаль. Бұл көрсеткіш команда үшін аса үлкен табыс болмаса да, Әбужақынованың финалға дейін жетуі - болашақ үшін үлкен серпін.
Айта кетейік, 20 маусым күні Қазақстан құрамасы аралас командалық жарысқа қатысады. Алғашқы қарсылас — Бразилия құрамасы болмақ.