Қазақстанның футзалдан 2028 жылғы әлем чемпионатына іріктеудегі алғашқы матчы тоғыз голмен аяқталды
Қазақстанның футзалдан ұлттық құрамасы Беларусьтен басым түсті
Басқа спорт түрлері
Sports24.kz сайтын Google-ға қосу
ФОТО: kazfootball.kz
20 қазан күні Қазақстанның футзалдан ұлттық құрамасы 2028 жылғы әлем чемпионатының іріктеу турниріндегі алғашқы матчында Беларусьпен кездесті, деп хабарлайды Sports24.kz.
Қазақстан құрамасы тартысты өткен матчта 5:4 есебімен жеңіске жетіп, беларусьтерден басым түсті.
Ұлттық құрама сапында дәл соққыларын Альберт Ақбаликов пен Игита, ал Эдсон хет-трик жасады.
Келесі матчта Қазақстан 11 қарашада сырт алаңда Беларусьпен тағы кездеседі. Ұлттық құраманың 6-топтағы тағы бір қарсыласы — Албания құрамасы.
Айта кетейік, 12 топтың жеңімпаздары және екінші орын алған командалардың ішіндегі үздік төрт құрама элиталық раундқа тікелей жолдама алады. Екінші орын алған қалған сегіз команда қалған жолдамаларды плей-офф матчтарында сарапқа салады.
