Қазақстандық киберспортшы Данил molodoy Голубенко HLTV нұсқасы бойынша CS2 үздік 6 ойыншысының қатарына кірді
FURIA Esports құрамындағы 20 жастағы қазақстандық киберспортшы Данил molodoy Голубенко HLTV нұсқасы бойынша Counter-Strike 2 үздік 20 ойыншысының рейтингінде алтыншы орынды иеленді.
Өткен маусымдағы ойыншының орташа рейтингі 1,14 болды, ал басылым редакторлары оның ірі турнирлердегі тұрақтылығын ерекше атап өтті: Голубенко бірнеше рет MVP атанып, EVP тізіміне енген.
Бұл жыл FURIA командасы үшін де табысты болды – Данил ұжымымен бірге FISSURE PLAYGROUND 2, Thunderpick World Championship 2025, IEM Chengdu 2025 және BLAST Rivals Fall 2025 турнирлерінде чемпион атанды. Айта кетейік, 2025 жыл оның tier-1 деңгейінде дебюттік маусымы болды.
«Киберспорттағы жолымды бастаған сәттен бастап мені әрдайым өз-өзіме деген сенім алға жетеледі. FURIA-ға ауысқанда, бәрі өзіме және командаға байланысты екенін түсіндім», – деп бөлісті Голубенко.
HLTV рейтингісінің финалдық бөлігі 2025 жылы Белградта (Сербия) өтетін HLTV Awards салтанатты рәсімінде жарияланады.
