Қазақстандық каратэшілер Мөлдір Жаңбырбай мен Әсел Қанай – Grand Winner титулының иегерлері
Рабатта каратэден Премьер-лига финалдық туры аяқталып, маусымның үздік спортшылары марапатталды. Қазақстандық екі спортшы – Мөлдір Жаңбырбай (50 кг дейін) және Әсел Қанай (61 кг дейін) – беделді Grand Winner титулына ие болды.
Мөлдір Жаңбырбай үшін бұл қатарынан екі маусымда екінші титул. 2025 жылы ол Парижде қола, Ханчжоуда күміс және Каирде алтын медаль иеленген болатын. Ал Әсел Қанай тұрақты өнер көрсетіп, Париж бен Каирде күміс, Ханчжоуда қола медаль жеңіп алып, өз салмағында үздік атанды.
Айта кетейік, Токио Олимпиадасының қола жүлдегері Софья Берульцева да Grand Winner атағын алуға үміткер болған еді. Алайда Рабаттағы кезеңде топтан шыға алмай, қарсыластарына есе жіберді.
Шымкентте Азия чемпионаты өтеді: 40 елден 1500-ден астам мерген жиналады.