Қазақстан құрамасының Азия ойындарына толық құрамы жарияланды
Қазақстан құрамасының Жапонияда өтетін XX жазғы Азия ойындарына қатысатын толық құрамы жарияланды, деп хабарлайды Sports24.kz.
Қазақстан құрамасының құрамы бекітілді, алайда әлі де өзгеруі мүмкін екенін Қазақстан Ұлттық Олимпиадалық комитеті атап өтті.
Айта кетейік, XX жазғы Азия ойындары Жапонияның Айти және Нагоя қалаларында 2026 жылғы 19 қыркүйек пен 4 қазан аралығында өтеді. Жарысқа Азияның 45 елінен спортшылар қатысады. Қазақстан құрамасы додаға 35 спорт түрінен шамамен 560-570 спортшы апарады.
XX жазғы Азия ойындарын тікелей эфирде Qazaqstan және Qazsport телеарналары көрсететіні ресми түрде расталды.
Бұған дейін 2026 жылғы Азия ойындарындағы Қазақстан құрамасының ту ұстаушылары анықталған болатын. Ел құрамасын ашылу салтанатында дзюдодан Олимпиада чемпионы Елдос Сметов пен үстел теннисінің өкілі Сарвиноз Миркадирова таныстырады.
