Қазақстан Азия чемпионатында Моңғолиядан ойсырай жеңілді
Басқа спорт түрлері
Абылай Сеитов
Журналист
ФОТО: vesti.kz
Таиландта өтіп жатқан дзюдодан Азия чемпионатында Қазақстан құрамасы ширек финалда жеңіліске ұшырады. Командалық жарыстың осы кезеңінде отандастарымыз Моңғолиямен кездесіп, 0:4 есебімен ұтылды.
Қазақстан сапынан татамиге шыққандар: Акерке Рамазанова (70+ кг), Еламан Ералиев (90+ кг), Дана Абдирова (-57 кг) және Бақытжан Абдурахманов (-73 кг). Өкінішке қарай, бәрі де қарсыластарына есе жіберді.
Енді Қазақстан құрамасы жұбаныш белдесуінде Қырғызстан командасымен үшінші орынға таласады.
Еске салайық, бұған дейін Қазақстан Бангкокте (Таиланд) өткен дзюдодан Азия чемпионатының жекелей турнирін төрт қола медальмен аяқтаған болатын.