Жеңіл салмақтың басты жыртқышы: Нурмагомедов 20-шы жеңісіне жетті
27 жастағы Усман Нурмагомедов жеңіл салмақтағы көшбасшылығын сенімді түрде жалғастыруда.
3 қазаннан 4 қазанға қараған түні Дубайда өткен PFL Champions Series 3 турнирінде ресейлік спортшы кештің басты жекпе-жегінде Ирландия өкілі Пол Хьюзді төрешілердің бірауызды шешімімен ұтып, чемпиондық белбеуін сәтті қорғап шықты.
Бұл жеңіс Нурмагомедовтің кәсіби мансабындағы мерейтойлы, 20-шы жеңісі болды. Сонымен қатар, ол әлі күнге дейін жеңіліс көрмеген: сегіз кездесуін нокаутпен, алтысын тұншықтыру немесе ауырту тәсілдерімен, тағы алтауын төрешілер шешімімен аяқтаған.
Айта кетерлігі, соңғы үш жекпе-жегінде Усман дәл төрешілер шешімімен жеңіске жетті, соның ішінде Пол Хьюзге қарсы қазіргі кездесу де бар. Соған қарамастан, Нурмагомедовтің PFL-дегі үстемдігіне ешкім күмән келтірмейді.
Сондай-ақ Мераб Двалишвили Умар Нурмагомедов туралы айтты.