Мераб Двалишвили Умар Нурмагомедов туралы: Ол менімен жекпе-жекке лайық деп ойламаймын
Жеңіл салмақта (61,2 кг дейін) UFC чемпионы, грузиндік файтер Мераб Двалишвили Умар Нурмагомедовпен мүмкін болатын жекпе-жек жайлы пікір білдірді.
Бұл туралы MMAJunkie басылымы хабарлайды.
Двалишвилидің айтуынша, ол Умардың мықты әрі талантты спортшы екенін мойындайды, бірақ қазіргі уақытта онымен жекпе-жекке шығуға негіз көріп отырған жоқ:
«Умар — дарынды және күшті файтер. Ол UFC-мен келісімшартқа отырмай тұрып-ақ көпшіліктің назарын өзіне аударған. Бұл көбіне оның туысы — спорт аңызы Хабиб Нурмагомедовтің арқасында. Умарға жол жеңіл болды — бірден UFC-ге өтті. Ал басқа спортшыларға Dana White’s Contender Series, The Ultimate Fighter сияқты шоулар арқылы өз деңгейін дәлелдеуге тура келеді», — деді Мераб.
Ол ойын былай жалғастырды:
«Меніңше, ол менімен жекпе-жекке әлі лайық емес. Әуелі тағы бірнеше маңызды кездесуде өзін көрсетуі керек. Бірақ егер UFC маған осы жекпе-жекті ұсынса — мен дайынмын. Маған кім қарсылас болатыны бәрібір. Мен әрқашан дайынмын».
Еске салайық, Умар Нурмагомедов соңғы кездесуін қаңтар айында UFC 311 турнирінде өткізіп, чемпиондық белдік үшін жекпе-жекте Мераб Двалишвилиден төрешілердің бірауызды шешімімен жеңілген болатын.