Видео. Хамитов Мәскеуде жеңіске жетті: қазақстандық ACBJJ 20 турнирінде Магомедовты тізе бүктірді
Қазақстандық ММА спортшысы Қуат Хамитов (27-8-2) Мәскеуде өткен бразилиялық джиу-джитсудан ACBJJ 20 турнирінде сәтті өнер көрсетті.
Оның қарсыласы тәжірибелі ресейлік файтер Рашид Магомедов (26-6-1) болды.
Айқас өте тартысты өтіп, толық қашықтыққа созылды. Төрешілер ұпайды мұқият санады, нәтижесінде жеңіс қазақстандық Қуат Хамитовқа бөліп шешіммен берілді.
Айта кетейік, Хамитов соңғы жекпе-жегін биыл қазан айында Дубайда ММА ережелері бойынша өткізген. Сол кезде ACA промоушенінде ол ресейлік Анатолий Бойконы (12-5) сенімді түрде жеңіп, төрешілердің бірауызды шешімімен басым түскен болатын.
ACBJJ 20 турнирінің басты оқиғасы UFC жеңіл салмақ рейтингінің бірінші нөмірі Арман Царукянның (23-3-0) қатысуымен өткен айқас болды. Оның қарсыласы Шешенстан тумасы, ACA гран-при жеңімпазы Мехди Байдулаев (18-2-0) еді. Царукян жекпе-жекті мерзімінен бұрын аяқтап, «All Stars» титулын жеңіп алды және әлемнің үздік жеңіл салмақтағы файтерлерінің бірі екенін тағы да дәлелдеді.
Сондай-ақ Царукян Хамитовты көпшілік алдында орнына қойды.