ВИДЕО. Асу Алмабаев АҚШ-тағы жекпе-жектен кейін Қазақстанға оралды
ФОТО: Getty images
Қазақстандық файтер Асу Алмабаев 2 наурызда АҚШ-тың Лас-Вегас (Невада штаты) қаласында өткен UFC Fight Night 253 турнирінің басты жекпе-жегінен кейін елге қайтып келді.
Бұл кездесуде Асу Алмабаев Португалияның өкілі Манел Капемен октагонда жолықты. Өкінішке қарай, қазақстандық спортшы үшін айқас сәтсіз аяқталды, ол үшінші раундта техникалық нокаутпен жеңіліп қалды. Жекпе-жектің шешуші сәттерінің бірінде Капе Асуға көзге саусағымен тигізіп, бұл оның ары қарайғы өнер көрсетуіне кері әсерін тигізді.
Бұл жеңілістен кейін Асу Алмабаев UFC ресми рейтингінде бір орынға төмендеді. Дегенмен, қазақстандық спортшы бұған дейін өз деңгейін дәлелдеген, енді оның басты мақсаты – қайтадан күш жинап, келесі жекпе-жекке тыңғылықты дайындалу.