Катардағы UFC: Топурия – Бекзат айқасы, Асу Алмабаевтың оралуы және қазақстандықтар қатысатын турнирдің толық карды
22 қараша күні Дохада жыл соңындағы ең тартысты шоулардың бірі - UFC Fight Night 265 өтеді. Бұл турнир бірнеше дивизионның тағдырына тікелей әсер ететін басты оқиғалардың бірі болмақ.
Кештің негізгі жекпе-жегінде Арман Царукян (22–3) октагонға оралады. Жеңіл салмақтың болашақ титул үміткері атанып үлгерген армян спортшысы бұл жолы тәжірибелі новозеландық Дэн Хукермен (24–12) кездеседі. Қарсыласы - экшн-стильдің жарқын өкілі, ауыр соққыларымен танымал файтер. Бұл айқас Царукян үшін топ позициясын бекітіп, чемпиондық жарысқа одан әрі жақындаудың шешуші мүмкіндігі.
Кештің ко-мейн ивентінде 77 келіге дейінгі салмақта Белал Мухаммад (24–4) пен ирландиялық нокаутшы Иэн Гэрри (16–1) күш сынасады. Бұл жекпе-жек дивизионның болашағын анықтайтын маңызды айқас: жеңімпаз жаңадан тәж таққан Ислам Махачевпен титул үшін кездесуге бір қадам жақындайды.
Қазақстандық жанкүйерлер үшін басты назар - Асу Алмабаев (22–3). Жеңіл салмақтағы отандасымыз жаңа рейтингте бір саты көтеріліп, 8-орынға тұрақтады. Енді ол аса күрделі сынаққа - бұрынғы титул претенденті Алекс Переске (25–9) қарсы тұрады. Алмабаев үшін бұл кездесу аса маңызды. Ол шілде айында Хосе Очоаны сенімді жеңіп, UFC-дегі бесінші жеңісіне жеткен еді.
Алдын ала кардта Бекзат Алмахан (12–2) октагонға шығады. Соңғы жекпе-жегінде ол сенсация жасап, канадалық Брэд Катонды небәрі 64 секундта нокаутқа түсірген болатын. Бұл жолы оған Александр Топурия (6–1) қарсы тұрмақ.
UFC Fight Night 265. Толық кард
Негізгі кард
• Арман Царукян (22–3) — Дэн Хукер (24–12)
• Белал Мухаммад (24–4) — Иэн Гэрри (16–1)
• Волкан Өздемир (20–8) — Алонзо Менифилд (17–5–1)
• Джек Херманссон (24–9) — Мықтыбек Оролбай (14–2–1)
• Сергей Спивак (17–6) — Шамиль Газиев (14–1)
• Алекс Перес (25–9) — Асу Алмабаев (22–3)
Алдын ала кард
• Богдан Град (15–3) — Люк Райли (11–0)
• Абдул-Рахман Яхъяев (7–0) — Рафаэл Серкейра (11–3)
• Тагир Уланбеков (17–2) — Кёдзи Хоригучи (34–5)
• Александр Топурия (6–1) — Бекзат Алмахан (12–2)
• Исмаил Наурдиев (24–8) — Райан Лодер (7–2)
• Нурулло Алиев (10–0) — Шакеме Рок (11–1–1)
• Сайгид Изагахмаев (22–2) — Николас Дэлби (23–6–1)
• Марек Буйло (6–0) — Дензел Фримен (6–1)