Ертегі тәтті аяқталмады. Генри Сехудо мансабын масқара жеңіліспен қорытындылады
Лас-Вегаста өткен UFC 323 турнирі аралас жекпе-жек әлеміндегі бір дәуірдің жабылуына куә болды. Екі салмақта бұрынғы чемпион атанған, Олимпиада алтын жүлдегері Генри Сехудо өз мансабындағы соңғы деп атаған жекпе-жегіне қайта оралған еді. Алайда бұл кеш оның армандаған қоштасуына айналмады.
38 жастағы америкалық спортшы жеңіл салмақта қарқынды өсіп келе жатқан Пэйтон Талботтпен үш раунд айқасты. Тәжірибесі мол болғанымен, Сехудо жас қарсыласының қарқынын тежеуге жол таба алмады. Қазылар алқасы жеңісті Талботқа бір ауыздан берді.
Бұл нәтиже Сехудо үшін қатарынан төртінші жеңіліс болды. Олимпиада чемпионы октагонға соңғы рет 2025 жылғы ақпанда шығып, Сон Ядонгтан ұтылған еді. Оның кәсіби көрсеткіші - 16 жеңіс және 6 жеңіліс.
Турнирдің басты оқиғасы - Мераб Двалишвили мен Петр Ян арасындағы титулдық айқас. Жекпе-жекке тікелей көрсетілім.