Дана Уайт: Конор Макгрегор жақын арада октагонға оралмайды
UFC президенті Дана Уайт Конор Макгрегордың аралас жекпе-жекке қайта оралуы туралы қауесеттерге нүкте қойды.
Оның айтуынша, ирландиялық жұлдыз жақын уақытта октагонға шығуды жоспарлап отырған жоқ, бұған дейінгі мәлімдемелеріне қарамастан.
– «Қазіргі уақытта Конордың қайтып келу жоспары жоқ. Біз бұл тақырыпта мүлде сөйлескен жоқпыз», – деді Уайттың сөзін тілші Адам Глин келтіреді.
Айта кетейік, Конор Макгрегордың жасы 36-да. Ол соңғы рет 2021 жылдың шілдесінде UFC 264 турнирінде октагонға шығып, Дастин Порьеге бірінші раундта аяқ жарақатының салдарынан техникалық нокаутпен жеңілген болатын. Сол жекпе-жектен кейін Макгрегор MMA-де өнер көрсеткен жоқ.
Конор - UFC тарихындағы екі салмақ дәрежесінде (66 кг дейінгі жартылай жеңіл және 70 кг дейінгі жеңіл салмақ) чемпион атағын иеленген алғашқы спортшы. Оның кәсіби рекорды: 22 жеңіс және 6 жеңіліс.