Белал Мухаммад қатарынан үшінші жеңілісіне ұшырады: UFC Vegas 118 нәтижелері
Лас-Вегаста UFC Vegas 118 турнирі аяқталды. Кештің басты жекпе-жегінде бұрынғы UFC чемпионы Белал Мухаммад пен қарқынын үдетіп келе жатқан Габриэль Бонфим октагонға шықты, деп хабарлайды Sports24.kz.
Бразилиялық файтер экс-чемпионды сенімді түрде жеңіп, жеңіс сериясын жалғастырды.
Бонфим Белалды айқын басымдықпен жеңді
Бес раунд бойы Габриэль Бонфим қарсыласынан әлдеқайда белсенді әрі қауіпті көрінді.
Бразилиялық спортшы жиі дәл соққы жасап, қозғалыс жағынан да басым болды.
Жекпе-жек қорытындысы бойынша үш төреші де жеңісті Бонфимге 50:45 есебімен берді.
Жекпе-жектен кейін бразилиялық файтер UFC-дің тағы бір бұрынғы чемпионы Джек Делла Маддаленаны жекпе-жекке шақырды.
Ал Белал Мухаммад үшін бұл қатарынан үшінші жеңіліс болды. Айта кетейік, 28 жастағы Габриэль Бонфим үшін бұл UFC-дегі қатарынан бесінші жеңіс болды.
UFC Vegas 118 турнирінің толық нәтижелері
Негізгі кард:
• Габриэль Бонфим Белал Мухаммадты төрешілердің бірауызды шешімімен жеңді (50-45, 50-45, 50-45)
• Брендан Аллен Эдмен Шахбазянды төрешілер шешімімен жеңді (30-27, 30-27, 29-28)
• Том Нолан Фарес Зиамды төрешілер шешімімен жеңді (29-28, 29-28, 29-28)
• Брайс Митчелл Сантьяго Лунаны үшінші раундта қылқындыру әдісімен жеңді
• Иво Бараньевски Джуниор Тафуды бірінші раундта техникалық нокаутпен жеңді
• Алессандро Коста Мэтт Шнеллді бірінші раундта техникалық нокаутпен жеңді
Алдын ала кард:
• Маркус Макги Джон Яннисті төрешілер шешімімен жеңді (30-27, 30-27, 29-28)
• Эдгар Чайрез Бруно Сильваны бірінші раундта қылқындыру әдісімен жеңді
• Жоандерсон Брито Джордан Ливитті бірінші раундта қылқындыру әдісімен жеңді
