Рудныйдың Горняк командасы Pro Hokei Ligasy плей-офф кезеңіне шықты
Рудныйлық "Горняк" хоккей клубы 2024/2025 маусымындағы Pro Hokei Ligasy плей-офф кезеңіне мерзімінен бұрын қатысу құқығын қамтамасыз етті. Бұл "Бейбарыстың" "Алматы" командасымен өткен матчта овертаймда 5:6 есебімен жеңілуінің арқасында мүмкін болды.
Осылайша, "Горняк" плей-офф ойындарына қатысатын алтыншы клуб атанды. Бұған дейін плей-оффқа қатысу құқығын Ташкенттің "Хумо", Өскеменнің "Торпедо", Қарағандының "Сарыарқа", Көкшетаудың "Арлан" және "Алматы" командалары ие болған еді.
Қалған екі плей-офф жолдамасын "Актөбе", "Номад", "Құлагер" және "Бейбарыс" командалары тұрақты чемпионаттың соңғы матчтарында сарапқа салады.
Бүгін, 23 қаңтар, Pro Hokei Ligasy аясында екі матч өтеді: "Торпедо" "Горнякты" қабылдайды, ал "Арлан" "Ертіспен" кездеседі.