Мәскеулік «Динамо» қорғаушысы «Барыстан» ойсырай ұтылғаны туралы пікір білдірді
Мәскеулік «Динамо» қорғаушысы Артём Блажиевский ҚХЛ-дың тұрақты чемпионатында «Барыстан» ойсырай ұтылғаны туралы пікір білдірді 4:1 есебімен, деп хабарлайды Sports24.kz.
«"Барыс" ештеңесімен таңғалдырған жоқ. Жақсы, жүйелі команда. Белсенді ойнады. Бізге соғылған голдар мен қорғаныстағы тәртіптірек ойын жетіспеді. Қажетсіз шайба өткізіп алдық та, бүкіл матч бойы есеп қуып жүрдік.
Уил мен Римашевскийсіз шеберлігіміз жетіспей ме? Әрине, олар – адамдық қасиеттері де жоғары, шеберлігі мол ойыншылар. Бірақ біз оларсыз да дұрыс ойнауға тырысып, барлығын жасауымыз керек», – деп қорғаушының сөзін Metaratings.ru. келтіреді.
Еске сала кетейік, екінші кезеңнен кейін қазақстандық клуб Гарретт Пилонның дубль жасауымен 2:1 есебімен алда тұрды. Үшінші жиырма минуттық кезеңде Масси қонақтардың басымдығын арттырса, матч соңында Джастин Бэйли шайбаны бос қақпаға бағыттап, есепті 4:1-ге жеткізді.
Осы жеңістің арқасында астаналық клуб 10 ұпай жинады. «Барыс» келесі матчын 25 қыркүйекте өз алаңында «Нефтехимикке» қарсы өткізеді.
