Алимханұлы WBC әлем чемпионын өзіне жасаған батыл шақыруына жауап беріп, күлкіге қалдырды
Жәнібек Алимханұлы орта салмақтағы WBC әлем чемпионы Карлос Адаместің жекпе-жекке шақыруына жауап берді, деп хабарлайды Sports24.kz.
«Кеше шын жүректен күлдім. Сөйтсем, мына Адамес мені жекпе-жекке шақырыпты. Жақсы бір молда тауып, оған жіберу керек еді, дұға оқып берсін. Байғұс жігітті аяп кеттім! Жекпе-жекке шығуды ұсынамын — ол қашады. Ал қашып жүріп: төбелесейік, дейді. Мен оны түсінбедім. Кеше күлкіден оған жауап бере алмадым», — деп жазды қазақстандық боксшы сторисінде.
Бұған дейін Адамес X әлеуметтік желісінде қазақстандық боксшыны жекпе-жекке ашық түрде шақырған еді.
Айта кетейік, бұған дейін Дүниежүзілік бокс кеңесі (WBC) Адамеске қазақстандық Мейірім Нұрсұлтановқа қарсы титулын міндетті түрде қорғауды тапсырған болатын. Тараптарға жекпе-жекті өткізу жөнінде келіссөз бастауды тапсырды. Егер келісімге қол жеткізілмесе, 20 қазанда жекпе-жекті ұйымдастыру құқығы үшін промоутерлік сауда өтеді.
