Кучеров пен Овечкин НХЛ нұсқасы бойынша Харт Трофиге үміткерлер қатарында
Ұлттық хоккей лигасы тұрақты маусымның ең құнды ойыншысына берілетін беделді марапат – "Харт Трофиге" басты үміткерлердің тізімін жариялады. Рейтингті құру үшін 16 сарапшы мен журналистердің қатысуымен дауыс беру ұйымдастырылды. Ұпайлар келесі жүйе бойынша есептелді: бірінші орынға – бес балл, екіншіге – төрт балл және әрі қарай кему ретімен.
Тізім көшбасшысы "Колорадо Эвеланш" шабуылшысы Натан Маккиннон атанды – ол 71 ұпай жинап, тоғыз бірінші орынды иеленді. Екінші орынды "Эдмонтон Ойлерз" ойыншысы Леон Драйзайтль (47 ұпай) иеленсе, үздік үштікті "Виннипег Джетс" қақпашысы Коннор Хеллебайк (38 ұпай) түйіндеді.
"Тампа-Бэй Лайтнинг" клубының ресейлік шабуылшысы Никита Кучеров 30 ұпай жинап, төртінші орынға жайғасты. Одан кейін "Коламбус Блю Джекетс" қорғаушысы Зак Веренски (23 ұпай) бесінші орынға тұрақтады.
"Вашингтон Кэпиталз" капитаны Александр Овечкин жеті ұпай жинап, "Бостон Брюинз" ойыншысы Давид Пастрнякпен бірге алтыншы орынды бөлісті.
Сондай-ақ оқыңыз: Тарихи сәт: Офечкин қашан Гретцкидің рекордын бұзады?