«Финалда жеңілу – ұят емес»: «Торпедо» бапкері «Арланнан» жеңілгеннен кейін пікір білдірді
Өскеменнің «Торпедо» хоккей клубының бас бапкері Андрей Корабейников Қазақстан чемпионатының финалдық сериясының аяқталуына байланысты пікір білдірді, деп хабарлайды Шайба.kz.
Оның командасы шешуші төртінші матчта Көкшетаудың «Арлан» ұжымына 1:2 есебімен жол берді,
- «Есепті теңестіруге мүмкіндік болды, бірақ финалда жеңілу әрдайым ауыр сезіледі. Соған қарамастан, жігіттер бар күшін салды деп есептеймін. Біз маусым бойы, сондай-ақ плей-офф кезеңінде де барымызды салдық. Бұл — қаламыз бен облысымыз үшін үлкен жетістік, – деді Корабейников. – Мен жігіттерге маусым үшін алғысымды білдірдім. Бізде мақтануға тұрарлық ұжым құрылды. Олар үлкен сөздерсіз-ақ нақты міндеттерді шешуге тырысты. Спорт болған соң, біреу жеңіп, біреу жеңіледі. Бұл жолы жеңіс «Арланға» бұйырды. Қарсыластарды чемпиондықпен құттықтаймын».
Айта кетейік, «Арлан» бұған дейінгі үш финалдық ойында да жеңіске жетті - 9:2, 6:3 және 3:2. Бұл оларға тек ойын емес, психологиялық тұрғыдан да басымдық берді.
2024/2025 жылғы маусымның қорытындысы бойынша, «Арлан» 40 ойында 65 ұпай жинап, бірінші орынды иеленді. Ал «Торпедо» 58 ұпаймен екінші орынға табан тіреді.