Екінші жеңіс қатарынан: «Барыс» «Салават Юлаевпен» матчта керемет ойын көрсетті
Астаналық «Барыс» Құрлықтық хоккей лигасының тұрақты маусымын қатарынан екінші жеңіспен бастап, Уфаның «Салават Юлаев» командасының қақпасына сегіз шайба соқты, деп хабарлайды Sports24.kz.
Алғашқы матчта «Сібірді» 7:1 есебімен ірі есеппен жеңгеннен кейін Михаил Кравец шәкірттерін күрделі сынақ күтіп тұрды. Себебі маусым алдындағы дайындық кезінде Уфа командасы «Барысты» 4:1 есебімен сенімді түрде жеңген болатын.
Бұл жолы астаналықтар қарсыласынан қарымта қайтарды, дегенмен жеңісті оңай болды деуге келмейді. «Барыс» жанкүйерлерінің жүйкесін әбден жұқартты: кейде «Салават Юлаевқа» екі, ал кейде бір шайба айырмасына дейін жақындатты.
Қалай болғанда да, жеңісті есепті сақтап қалу мүмкін болды. Осылайша «Барыс» Шығыс конференциясының аралық турнирлік кестесінде екінші орынға көтерілді. Сонымен қатар команда — жинаған ұпайлары бойынша 100 пайыздық нәтижесін сақтап отырған жалғыз клуб.
12 қыркүйекте астаналықтар «Амурды» қабылдайды. Осыдан кейін олар 22 қыркүйекті қоса алғандағы кезеңге дейін сырт алаңдағы турнеге аттанады.
Хоккей. ҚХЛ, тұрақты маусым
«Барыс» — «Салават Юлаев» — 8:6
Шайбалар: Томпсон (Өмірбеков + Масси), 03:33, Приски (Томпсон + Морелли), 14:16, Морелли (Пилон + Бейли), 16:36, Бейли (Приски + Пилон), 19:59, Томпсон (Бейли), 31:45, Дэй (Масси + Логвин), 32:03, Шайхмедденов (Маккошен), 41:55, Ляпунов (Бекетаев), 51:35 — Жаровский (Родуолд + Броссо), 09:31, Броссо (Панин + Щербаков), 28:12, Ремпал (Алексеев + Шипачёв), 29:10, Родуолд (Ремпал + Шипачёв), 44:35, Алалыкин (Сучков), 48:15, Алалыкин (Сучков + Стюарт), 55:38
