«Барыс» бірден бес ойыншыдан бас тартты: Мамбетәлиев құрамдағы өзгерістерді растады
Хоккей
Аружан Темірбек
Редактор
ФОТО: БАРЫС ХК, Дамир Жафяров
«Барыс» бас бапкері Ғалым Мәмбетәлиев келесі маусымға арналған құрамдағы өзгерістер туралы мәлімдеді.
«Келесі маусымда Жафяров, Бочаров, Хохлов, Сетдиков пен Бурдасов болмайды», – деді бапкер маусым қорытындысына арналған баспасөз мәслихатында.
Осылайша, команда бірден бес негізгі ойыншымен қош айтысады. Бұл өзгерістер клубтың жасарту және қайта құру бағытын нақтылап отыр.
2024/2025 жылғы маусымда «Барыс» ҚХЛ-дың Шығыс конференциясында 62 матчта 58 ұпай жинап, 11-орын алды. Бұл нәтиже командаға плей-офф кезеңіне өтуге мүмкіндік бермеді.