«Барыс» – «Адмирал» – 3:0. Кравец командасының сенімді «құрғақ» жеңісі. Матчтың бейнешолуы
Михаил Кравецтің командасы 3:0 есебімен жеңіске жетті
Хоккей
Данияр Қайратов
Редактор
ФОТО: ХК «Барыс»
29 қыркүйек, сейсенбі күні Астанада Құрлықтық хоккей лигасының тұрақты чемпионаты аясында «Барыс» өз алаңында Владивостоктың «Адмиралына» қарсы кездесу өткізді. Михаил Кравецтің командасы сенімді «құрғақ» жеңіске қол жеткізді — 3:0.
Астаналық ұжым сапында шайбаларды Мэйсон Морелли, Всеволод Логвин және Ансар Шайхмедденов соқты. «Барыс» екі шайбаны екінші кезеңде соғып, соңғы 20 минутта жеңісін түйіндеді.
Бұл — қазақстандық команданың қатарынан екінші жеңісі. 11 ұпай жинаған «Барыс» КХЛ-дың Шығыс конференциясында алтыншы орынға көтерілді.
1 қазан күні Кравецтің командасы өз алаңында Ярославльдің «Локомотивін» қабылдайды, одан кейін кезекті түз турына аттанады.
Сіздердің назарларыңызға матчтың бейнешолуын ұсынамыз.