Қазақстан құрамасы бірінші дивизионға оралды: 2026 жылғы хоккейден әлем чемпионаты Польшада өтеді
Хоккей
Арсен Алиев
Редактор
ФОТО: kazakhstanhockey инстаграм парақшасынан
2026 жылы хоккейден әлем чемпионатының бірінші дивизион «А» тобы Польшада ұйымдастырылады, деп хабарлады Shaiba.kz
Өкінішке қарай, Қазақстан ұлттық құрамасы элиталық дивизионда орнын сақтап қала алмады - топтық кезеңде жеті кездесудің алтауында жеңіліс тапты. Дәл осындай жағдай Франция құрамасының да басына түсті - олар да жоғарғы деңгейден айырылды.
Осылайша, келесі жылы бірінші дивизионда жоғары лигаға жолдама алу үшін Қазақстан, Франция, Польша (турнир иесі), Украина, Жапония және Литва құрамалары өзара бақ сынайды.
Қазақстандықтар үшін бұл 2019 жылдан бергі бірінші дивизиондағы алғашқы ойын болмақ.