«Семей» клубы Қазақстан Кубогын жеңіп алғаннан кейін Смақовтың мәртебесін өзгертті

Футзал 24 нау 2025 14:14

Богдан Писаренко

«Семей» клубының бас жаттықтырушысы міндетін атқарушы Аслан Смақов жаңа мәртебеге ие болды, деп хабарлайды Sports24.kz.

Клубтың баспасөз қызметі Аслан Смақовтың ресми түрде команданың бас бапкері болып тағайындалғанын мәлімдеді.

Маманды тағайындау туралы хабарламада «Семей» Смақов бас бапкердің міндетін атқарушы ретінде жұмыс істеген тұста елеулі жетістікке қол жеткізгені - Қазақстан Кубогын жеңіп алғаны атап өтілген.

23 наурыз, жексенбі күні өткен финалда «Семей» «Қайратты» 5:1 есебімен ойсырата ұтып, ел кубогын иеленді.

Еске салайық, биыл жылдың басында семейлік клуб команданың бас бапкері қызметінен бразилиялық Дави Мендонсаның кеткенін хабарлап, оның орнына Аслан Смақовты уақытша тағайындаған болатын.