Күтпеген жеңіліс: Қазақстан футзал құрамасы Вьетнамнан ойсырай ұтылды

Футзал 13 сәу 2025 09:09

Арсен Алиев

Редактор

Хошимин қаласында өткен матчта алаң иелері 4:1 есебімен айқын жеңіске жетті.

Ойын алдында фаворит саналған Қазақстан құрамасы өз деңгейін дәлелдей алмады. 14-минутта вьетнамдықтар есеп ашты. Үзілістен кейін 33-минутта Ержан Карменов есепті теңестірді. Алайда матчтың соңғы минуттары Вьетнам құрамасының пайдасына шешілді: 39-минутта олар тағы бір гол соғып алға шықты, кейін екі рет бос қақпаны дәл көздеп, матч тағдырын түбегейлі шешті.

Қазақстан футзал құрамасы ФИФА рейтингісінде 7-орында тұр, ал Вьетнам 31-сатыда орналасқан. Осыған байланысты бұл нәтижені нағыз сенсация деуге болады.