Жастар арасындағы Еуропа чемпионы – Нидерланд құрамасы
Бухарестте 2025 жылғы 19 жасқа дейінгі жасөспірімдер арасындағы Еуропа чемпионаты өз мәресіне жетті. Финалда Нидерланд пен Испания құрамалары чемпиондық атақты сарапқа салды.
Испания – Нидерланды – 0:1
Гол: Рауль Хименес 62 (автогол)
Шешуші кездесу «Гиулешти – Валентин Станеску» стадионында өтті. Ойынға ирландиялық төреші Роб Хеннеси қазылық етті.
Матч тағдырын 62-минутта испаниялық қақпашы Рауль Хименестің өз қақпасына соққан добы шешті – 1:0, Нидерланд құрамасы жеңіске жетіп, чемпион атанды.
Финалға дейін нидерландтар жартылай финалда турнир иесі Румынияны 3:1 есебімен ұтса, испаниялықтар Германиямен тартысты матч өткізіп, қосымша уақытта 6:5 есебімен басым түсті.
Айта кету керек, Испания бұл финалға чемпиондық атағын қорғаушы ретінде келген болатын. Алайда олар атақты сақтап қала алмады.
«Ордабасы» Еуропа чемпионатының жүлдегерімен күшейеді.
