Жарақат па? Килиан Мбаппе Дешамнан ауыстыруды сұрады
Францияның жұлдызды ойыншысы матч соңында Әзірбайжанға қарсы ойынды тастап кетті
Футбол
Данияр Қайратов
Редактор
ФОТО: x.com/RMCsport
2026 жылғы әлем чемпионатының Франция мен Әзірбайжан арасындағы іріктеу ойынында екінші таймда «үш түстілердің» көшбасшысы Килиан Мбаппемен алаңда алаңдатарлық сәт орын алды.
81-минутта Мбаппе алаңға отырып қалды, ол өзін жайсыз сезінгендей көрінді. Ойынды жалғастыруға күші жетпеген ол Дидье Дешамнан ауыстыруды сұрады. Екі минуттан кейін, 83-минутта оны Товен алмастырды.
Франция Әзірбайжанды тас-талқан етті — есеп 3:0. Мбаппеден бөлек, Адриен Рабьо мен Флориан Товен де қарсыласты қапы қалдырды.
Килиан осы маусымда ұлттық құрама мен клуб сапында 13 матчта 17 гол соғып үлгерді. «Реалдың» шабуылшысы ұлттық командада 53 голымен көзге түсті. Оливье Жиру рекордын қайталау үшін оған небары 4 гол жетіспейді.
