Гол мен нәтижелі пас Мбаппеден. Франция Әзірбайжанды ірі есеппен жеңді 2026 жылғы ӘЧ іріктеуінде
Франция құрамасы 2026 жылғы әлем чемпионатының іріктеу кезеңінде Әзірбайжанды қабылдады. Командалар D тобы аясында кездесті.
Килиан Мбаппе алғашқы таймның соңына таман "Ле Бле"-ні алға шығарды. Жұлдызды шабуылшы бірінші таймға қосылған қосымша уақытта алаңды бойлай жүгіріп, шабуылын дәл соққымен аяқтады.
Килиан ұлттық құрама мен клуб үшін осы маусымдағы 13 ойында 17-ші голын соқты. Ұлттық құрама сапындағы бұл Мбаппенің 53-ші дәл соққысы. Оливье Жиру рекордына жету үшін оған 4 гол ғана қалды.
Екінші таймда Мбаппе бұл жолы Адриен Рабьоға нәтижелі пас шығарып, француздардың басымдығын еселей түсті. Үшінші голдың авторы Флориан Товен болды.
Бұл жеңістен кейін Франция D квартетінде көш бастап, тоғыз ұпай жинады. Украинада 4 ұпай, Исландияда 3 ұпай, Әзірбайжанда 1 ұпай бар.
2026 жылғы ӘЧ іріктеуі
Франция – Әзірбайжан – 3:0
Голдар: Мбаппе, 45+2, Рабьо, 69, Товен, 84