Жаңа нигериялық ойыншыға көз тікті: «Қызылжар» Адеоланы өз қатарына қосуды жоспарлап отыр
Sports24.kz порталының мәліметінше, «Қызылжар» футбол клубы тағы бір трансферді жүзеге асыруға дайындалып жатыр – солтүстікқазақстандықтар нигериялық жартылай қорғаушы Раймонд Оламилекан Адеоланы өз құрамына қосуды көздеуде.
Адеола – Нигериядағы футбол академиясының түлегі. Кәсіби мансабын ол 2020–2021 жылдары Молдовадағы «Суклея» клубында бастады.
2025 жылдың қаңтар айында ол еркін агент ретінде Грекияның «Астерас» клубының екінші командасына ауысты. Грек клубында өткізген уақытында ол төрт матчқа негізгі құрамда шығып, екі нәтижелі паспен көзге түсті. Маусым қорытындысы бойынша команда плей-аут кезеңін үшінші орынмен аяқтап, лигада қалуға мүмкіндік алды.
2025 жылдың жазында Адеола Беларусьтің «Гомель» клубына келіп, негізгі командамен жаттығу жұмыстарын бастады.
Айта кету керек, дәл осы уақытта «Қызылжар» елордалық «Астана» клубының нигериялық жартылай қорғаушысы Ннамди Аханонуды өз құрамына қосу келісімін де аяқтап жатыр.
