«Ювентус» Тудордың ізбасарын анықтады. Бірақ оны жұмысқа орналастыруда қиындықтар бар
27 қазанда туриндік «Ювентус» бас бапкер Игор Тудорды қызметінен босатты. «Бьянконери» оның орнына тәжірибелі маманды таңдауға бекінді, алайда бұл шешімнің өз қиындықтары бар.
TuttoMercatoWeb мәліметінше, клуб басшыларының басты фавориті – Италия құрамасы мен «Наполидің» бұрынғы бас бапкері Лучано Спаллетти. Алайда, «Зениттің» экс-жаттықтырушысы екі жарым жылдық келісімшарт талап етіп отыр.
Бірақ «Ювентус» басшылығы ұзақмерзімді міндеттемелерден қашып, маусым соңына дейінгі кезеңге бапкер іздеуде, ал 2026 жылдың жазында келесі қадамдарды талқылауды жөн көреді.
Компромисс ретінде, ағымдағы Серия А маусымы қорытындысы бойынша «бьянконери» Чемпиондар лигасына жолдама алса, келісімшартты тағы бір жылға автоматты түрде ұзартатын опциямен маусым соңына дейін келісім ұсынылуы мүмкін.
