Италиялық гранд бапкерін қызметінен босатты
Игор Тудор жаңа команда іздеуге кіріседі
Футбол
Дамир Кошечкин
Журналист
ФОТО: Getty Images
«Ювентус» футбол клубы бас бапкер Игор Тудор мен оның штабының (Иван Яворчич, Томислав Рогич және Риккардо Рагначчи) қызметінен босатылғанын ресми түрде жариялады, деп хабарлайды «Қарт Синьораның» баспасөз қызметі.
«Клуб сондай-ақ негізгі ерлер командасының бапкерлік міндетін уақытша Массимо Брамбиллаға жүктегенін хабарлайды. Ол сәрсенбі күні кешке өтетін «Ювентус» – «Удинезе» матчында командаға басшылық етеді.
Клуб Игор Тудор мен оның бүкіл штабына соңғы айларда көрсеткен кәсібилігі мен адалдығы үшін алғыс білдіреді және алдағы мансап жолында сәттілік тілейді», – деп жазады туриндіктердің ресми сайты.
Кеше «Лацио» «Ювентусты» 1:0 есебімен ұтты.
