Турлов премьер-лигасыз: «Алтай» «Оңтүстік Академиясын» тас-талқан етіп, КПЛ-ге жолдама алды
2025 жылғы маусымның Бірінші лигасындағы соңғы турда Өскеменде премьер-лигаға соңғы жолдаманың тағдыры шешілді.
Жергілікті «Алтай» «Оңтүстік Академиясын» қабылдап, алаңға нақты мақсатпен шықты — жоғары лигаға шығу үшін кем дегенде тең ойнау қажет болды.
Кездесудің небәрі сегізінші минутында Сэйф Попов есеп ашып, қонақтардың қақпасын дәл көздеді. Үзілістен кейін өскемендіктердің басымдығын Артем Тетерин еселеп, есепті 2:0-ге жеткізді. Кейін ойын тіпті біржақты өрбіді — Гаврил Кан мен Ибрагим Дадаев та мергендік танытып, таблодағы көрсеткішті 4:0-ге жеткізді. Тек матчтың соңына қарай «Академия» Биржан Тоқтыбайдың дәл соққысымен жауап қатып, қорытынды есепті белгіледі — 4:1, қожайындардың пайдасында.
Осы жеңіс «Алтайға» турнир кестесінде 55 ұпаймен үшінші орын алуға мүмкіндік беріп, бірнеше жылдық үзілістен соң алғаш рет Қазақстан Премьер-лигасына жолдама әперді.
Қазақстан. Бірінші лига. 26-тур
«Алтай» - «Оңтүстік Академиясы» — 4:1
Голдар: 8-минут — Попов, 49 — Тетерин, 61 — Кан, 74 — Дадаев, 78 — Тоқтыбай
Осылайша, КПЛ-2026 маусымында «Алтайға» Ақтаудың «Каспийі» мен павлодарлық «Ертіc» серік болады, ал Турловтың «Шахтері» Бірінші лигада қалып, соңғы айналымда бәсекелесіне жол берді.
