Тек қана үш қамал алынбады. АПЛ-дің қай стадиондарында Эрлинг Холанд гол соқпаған?
«Манчестер Сити» шабуылшысы Эрлинг Холанд барлық мүмкін және мүмкін емес бомбардирлік рекордтарды жаңартқандай көрінеді. Алайда, норвегиялық сұрмергеннің өзі үшін де АПЛ деңгейінде әлі алынбаған биіктер бар.
Холанд Премьер-лига командаларының 20 түрлі стадионында (өз алаңы «Этихадтан» басқа) қарсыластар қақпасына гол соққан. Ең көп голды ол «Арсенал», «Челси», «Брентфорд», «Кристал Пэлас», «Вулверхэмптон» және «Вест Хэм» клубтарының алаңдарында тіркеген – әрқайсысында үш голдан.
Норвегиялық голеадор әлі гол соқпаған үш стадион бар. Олар — «Эвертонның» жаңа стадионы мен «Сандерлендтің» алаңы, алайда бұл алаңдарда ол әлі ойнаған жоқ, сондықтан гол соғуға мүмкіндігі болмаған. Ал, өзі тер төккен алаңдардың ішінде жалғыз алынбаған қамал — «Энфилд». Бұл жерде ол үш матчта да қарсылас қақпасын бұза алмаған.
Бұған дейін «Манчестер Сити» бас бапкері Пеп Гвардиола өз шәкіртін каталониялық «Барселонамен» байланыстыратын қауесеттерге қатысты пікір білдірген болатын.
