«Талавера» – «Реал Мадрид». 17 желтоқсан. Онлайн көру. Live көрсетілім
17 желтоқсаннан 18 желтоқсанға қараған түні Испания Кубогында мәртебесі мен мүмкіндігі мүлде бөлек екі команда жолығады. Турнирдің 1/16 финалында шағын ғана «Талавера» өз алаңында мадридтік «Реалды» қабылдайды. Бұл – Корольдік клубтың биылғы Кубоктағы алғашқы ойыны.
Алаң иелері бұл кезеңге кездейсоқ жеткен жоқ. «Талавера» бұған дейін екі айналымнан сүрінбей өтіп, сырт алаңда «Малаганы» (2:1) және «Райо Махадаонда» клубын (4:1) сенімді түрде жеңіп, өз мүмкіндігін барынша пайдалана білді.
- Матчтың барлық ең қызықты сәттерін Sports24.kz Telegram-арнасында live режимде көруге болады!
Ал «Реал» үшін кубоктық жол енді ғана басталмақ. Өткен маусымда мадридтіктер трофейге бір қадам қалғанда тоқтап, финалда «Барселонаға» тартысты кездесуде 2:3 есебімен жол берген еді.
Кездесу Астана уақытымен 01:00-де басталады. Тікелей эфир Sport Plus Kazakhstan телеарнасынан көрсетіледі.
