Шымкент әкімі «Ордабасыдағы» Мартиннің болашағына қатысты шешім қабылдады
Чемпионаттағы жетінші орын мен кубок финалындағы жеңілістен кейін «Ордабасы» бас бапкері Андрей Мартиннің болашағы бұлыңғыр көрінген еді. Бәрін клуб басшылығымен болатын кездесу шешуі тиіс болатын, ал молдовалдық маман оның қалай өткені туралы баяндап берді.
Мартиннің айтуынша, Шымкент әкімі оған сенім білдірген, бірақ бапкер нәтиже үшін «Ордабасыға» төрт-бес трансфер қажет екенін атап өтті.
«Облыс әкімімен кездесу өткіздік, онда жақында аяқталған маусымның қорытындысы жасалды. Қала әкімі маған және клубтағы жұмысыма келесі маусымда қолдау көрсететінін білдірді. Мен келесі жылы чемпионатта және еурокубоктарға шығу үшін клубқа ең алдымен күшейту, яғни төрт-бес ойыншыны алу қажет екенін атап өттім», – деді Мартин moldfootball.com сайтына берген сұхбатында.
Бұған дейін Шымкент клубының бұрынғы ойыншысына 30 миллион теңгеден астам қарызы бары белгілі болған еді.
