Самородовтың «Ахматы» РПЛ-дегі жеңіліссіз ойындар бойынша клуб рекордын қайталады

Футбол 12 сәу 2025 23:33

Асылхан Тоқсанбек

Редактор

РПЛ-дің 24-турында «Ахмат» өз алаңында «Ростовты» 2:1 есебімен жеңіп, жеңіліссіз сериясын сегіз ойынға дейін жеткізді.

Бұл – клуб 2016 жылы орнатқан рекордтың қайталануы. Соңғы рет грозныйлықтар 24 қараша күні «Крылья Советовтан» 1:2 есебімен ұтылған еді.

Ойын тағдырын шешкен голды қазақстандық шабуылшы Максим Самородов соқты. Оның дәл соққысы бас бапкер Сергей Ташуев командасына маңызды үш ұпай сыйлады.

Қазір «Ахмат» 23 ұпаймен турнир кестесінде 13-орында тұр. Команда «Крылья Советов» пен «Химкиден» қосымша көрсеткіштер бойынша қалып келеді.

Келесі кездесуін грозныйлықтар 19 сәуірде қонақта «Краснодарға» қарсы өткізеді.

Байланысты командалар мен лигалар

Ахмат

Ростов

Ресей Премьер-лигасы