Роналду емес пе? УЕФА Ұлттар лигасының финалындағы үздік ойыншыны атады
УЕФА Ұлттар лигасының Португалия мен Испания арасындағы (2:2) финалындағы үздік ойыншыны атады.
Матчтың негізгі уақыты 2:2 есебімен аяқталды, қосымша уақытта командалар гол соққан жоқ. Ал пенальти сериясында португалдықтар Пиреней түбегіндегі көршілеріне қарағанда дәлірек болды.
Матчтың үздік ойыншысы Португалия құрамасының бірінші голының авторы, қорғаушы Нуну Мендеш деп танылды. Ол матчтың барлық 120 минутын алаңда өткізіп, Sofascore порталының нұсқасы бойынша 8,7 ұпай алды. Сонымен қатар, Мендеш қорғаныстағы әрекеттерімен де ерекшеленді - ол екі рет допты алып қойып, жеті рет допты құрамаға қайтарды және испандықтардың бір соққысына тосқауыл қойды.
Португалдықтардың екінші голдың авторы Криштиану Роналду матчтың 88-минутында жарақатына байланысты алаңнан кетті.
