РЕСМИ. Ұлттық құраманың бұрынғы ойыншысы ҚПЛ клубына қосылды
Самат Жарынбетов "Қызылжар" командасының ойыншысы атанды. Қазақстандық футболшы 2024 жылғы маусымды шымкенттік "Ордабасы" сапында өткізгеннен кейін басқа клубқа ауысты.
Бұған дейін Жарынбетов "Екібастұз", "Тобыл" командаларында өнер көрсеткен. Оның жетістіктері қатарында Қазақстан чемпионы атағы, ел Кубогы мен екі мәрте Суперкубок жеңімпазы бар. Сонымен қатар, ол ел чемпионатының күміс жүлдегері және екі рет қола жүлдегері атанған.
Өз мансабында Жарынбетов Премьер-лигада 133 матч өткізіп, 4 гол соғып, 10 нәтижелі пас берген. Сондай-ақ, ол Қазақстан Кубогында 23 ойын, еурокубоктарда – Лига конференциясы, Лига чемпиондары мен Еуропа Лигасының іріктеу кезеңдерінде 22 матч өткізген.
Саматтың тұрақты әрі сапалы ойыны жанкүйерлер мен жаттықтырушылардың ықыласына ие болды. "Қызылжарға" ауысуы оның мансабындағы жаңа белес болып, қазақстандық футболдың дамуына қосқан үлесін жалғастырады.
Шетелдік клуб Тобылға Чесноковты сатып алу туралы ұсыныс жасады. Ойыншы келіседі ме?
