Рашфорд «Барселона» сапында жарқырауын жалғастыруда: қысқа аралықта 2+4 нәтижелілік көрсетті
Жаңа командаға сіңісіп кетті ме?
Футбол
Санжар Ақатаев
Журналист
ФОТО: Getty Images
Маркус Рашфорд «Барселона» сапында тағы бір нәтижелі әрекетпен көзге түсті.
Ла Лигадағы жетінші тур аясында «Реал Сосьедадқа» қарсы өткен ойында ағылшын вингері Жюль Кундеға голдық пас берді, ал оның командасы жеңіске жетті.
Бұл пас Рашфордтың соңғы бес кездесуіндегі барлық турнирлердегі алтыншы нәтижелі әрекеті болды. Бұған дейін ол «Реал Овьедо», «Хетафе» және «Валенсияға» қарсы матчтарда нәтижелі пас беріп, сондай-ақ Чемпиондар лигасында «Ньюкасл» қақпасына дубль жасаған еді.
Еске сала кетейік, былтырғы жазда шабуылшы «Манчестер Юнайтедтен» «Барселонаға» жалға ауысып келген болатын. БАҚ мәліметінше, каталондық клуб қаңтарда ойыншыны толық сатып алуды шындап қарастыруда. Мүмкін болатын трансфер құны шамамен £20 млн (€23 млн) деп бағалануда.
