Рамазан Оразов «Силкеборгтағы» ойын уақыты тапшылығы туралы айтты
Даниялық «Силькеборг» командасының қазақстандық ойыншысы Рамазан Оразов командадағы рөлі туралы ойымен бөлісіп, ойын уақыты тапшылығы туралы айтты.
Өткен маусымда Оразов «Силькеборг» сапында барлық жарыстарда 23 ойында бар болғаны 708 минут алаңда өткізді (орта есеппен 30 минут). Тағы бір айта кететін жайт, ол маусымның басында ойында көп уақыт өткізіп, қысқы демалыстан кейін ойын уақыты азайып кетті.
«Мен футболшылардың шетелде көбірек ойнауын қолдайтынымды айтқан едім. Бұл жердегі негізгі сөз - «ойын». Мен мұнда ойнаған уақытым үшін күрескен жоқпын және психикалық тұрғыдан ол өте қиын. Мен ойнағым келеді.
Өйткені соңғы рет ұлттық құраманың Лихтенштейнге қарсы матчында ойынды басынан бастадым. Шынын айтсам, қиын болды. Жаттығуға қарамастан ойнау ырғағы кез келген жағдайда жоғалады», - деді ойыншы BorodAbata YouTube арнасына берген сұхбатында.
Бұған дейін Оразов Ислам Чесноковтың шотландиялық «Хартс» клубына ауысуы туралы айтқан болатын.