Рафинья жеке жаттығуларға қайта оралды. «Барселонаның» негізгі құрамына қашан қосылады?
Әзірге оқиғаларға асықпайды
Футбол
Жантөре Қайсаров
Редактор
ФОТО: Getty Images
Жақында «Барселонаның» көшбасшысы Рафинья қалпына келтірудің соңғы кезеңіне аяқ басты, енді ол каталондық ұжымның сапына қайта оралуға бір табан жақын.
Marca басылымының хабарлауынша, 13 қарашада бразилиялық ойыншы бұрыннан орындап жүрген жеке жаттығуларына қайта кірісті. Егер күтпеген жағдайлар орын алмаса, оң болжам бойынша ол келесі аптада негізгі командамен бірге жаттығуды бастайды.
Алайда бұл жаттығулар барысында Рафинья аса сақ болады. «Барселонаның» жоспары — қайта оралу үдерісін жеделдетпеу және оң жақ тізе асты сіңіріндегі жарақаттың қайталануына жол бермеу.
