«ПСЖ» Доннарумманы қаншаға беруге дайын екені белгілі болды
Париждік ПСЖ клубы қақпашы Джанлуиджи Доннарумманың трансферлік құнын 40 миллион еуроға белгіледі.
Бұл шешім оның 2026 жылдың жазында аяқталатын келісім-шартын ұзартуға қатысты белгісіздікке байланысты. Доннарумма жылдық 10 миллион еуро жалақы сұрайды, ал клуб 8 миллион және 2 миллион бонус ұсынып отыр.
Осыған дейін париждік клуб 26 жастағы қақпашының команданың ағымдағы Чемпиондар лигасындағы жеңісіне қосқан маңызды үлесіне қарамастан, оның жылдық табысын ұлғайту мүмкіндігін қарастырмай отырғаны хабарланған болатын.
ПСЖ-мен келісімшартты ұзарту басымдығына қарамастан, Доннарумма басқа нұсқаларды да қарастыруда. Оның агенті Энцо Райола Интер мен Наполидің қызығушылығын растап, алдымен ПСЖ-мен болашақты талқылау керек екенін атап өтті.
Өткен маусымда ол ПСЖ-ға Чемпиондар лигасын қоса алғанда, барлық мүмкін болатын төрт титулды жеңіп алуға көмектесті. Чемпиондар лигасының соңғы маусымында Джанлуиджи 15 матч өткізіп, оның алтауында бірде-бір гол жібермей, жоғары ойын және жүйелілік танытты. Оның сейвтері Париж командасына «Ливерпуль», «Астон Вилла» және «Арсенал» сынды мықты қарсыластарды жеңуге көмектесті.
