Пеп Гвардиола мен Холанд Өзбекстанға келеді ма? Хусанов тойға дайындалуда
“Манчестер Сити” және Өзбекстан ұлттық құрамасының қорғаушысы Абдукодир Хусанов үшін өміріндегі ең маңызды кезең басталды. Ол жеке өмірінде үлкен қуанышқа дайындалып жатса, алаңда қиын сынақтарға тап болуда.
Zamin.uz сайтының мәліметінше, 27 мамырда Хусанов шаңырақ көтермек. Бұл күннің маңыздылығы – Англия Премьер-лигасының маусымы аяқталып, “Сити” ойыншылары демалысқа шығатын уақытқа сәйкес келуінде.
Қорғаушының өзі немесе оның отбасы бұл жаңалықты ресми түрде растаған жоқ, алайда бұл тақырып жанкүйерлер арасында қызу талқылануда. Әсіресе, жанкүйерлерді тойға Пеп Гвардиола, Эрлинг Холанд және команданың ең танымал мерекелейтін ойыншысы Джек Грилиш келеді ме деген сұрақ қызықтырады. Егер бұл рас болса, бұл Өзбекстан футболы үшін тарихи сәттердің бірі болмақ.
Хусановтың жеке өміріндегі қуанышты жаңалықтарға қарамастан, футболдағы жағдайы біраз күрделі. 15 наурызда өткен АПЛ-дың 29-турында “Манчестер Сити” өз алаңында “Брайтонмен” тең түсті – 2:2.
Ойын барысында өзбек қорғаушысы үшін ауыр сәт орын алды. 48-минутта Джек Хиншелвудтың соққысы Хусановтың аяғына тиіп, өз қақпасына кіріп кетті. Бұл автогол “Ситиге” қымбатқа түсті – команда жеңісті қолдан жіберіп, екі ұпайдан айырылды.
