«Ордабасы» оңтүстік дербиінде жеңіске жетті: Эвертон тағы да жеңіс голын соқты
27 сәуір күні Қазақстан Премьер-лигасының алтыншы туры аясында Шымкентте «Ордабасы» мен Түркістанның «Тұран» командалары арасындағы оңтүстік дерби өтті. Тартысты өткен ойында алаң иелері минималды есеппен жеңіске жетті.
Кездесудегі жалғыз голды 44-минутта бразилиялық шабуылшы Эвертон соғып, командасына маңызды үш ұпай сыйлады. Бұл оның қатарынан екінші жеңісті голы болды.
Қазақстан Премьер-лигасы. 6-тур
«Ордабасы» – «Тұран» – 1:0
Гол: Эвертон, 44 (1:0).
Бұл - «Ордабасы» үшін қатарынан екінші минималды жеңіс. Шымкенттік команда осы жеңістен кейін 8 ұпай жинап, турнирлік кестеде сегізінші орынға көтерілді. Ал «Тұран» 7 ұпаймен тоғызыншы сатыға сырғыды.
Келесі турда, 3-4 мамыр күндері, «Ордабасы» сырт алаңда «Атыраумен» кездессе, «Тұран» өз алаңында «Жетісуды» қабылдайды.
